Bandat e drogës në Meksikë nuk kursejnë as grupet muzikore.
10 muzikantë janë qëlluar për vdekje, ndërsa trupat e tyre janë djegur.
Sipas autoriteteve meksikane, bandat e drogës u kanë ngritur pritë muzikantëve në pjesën jugore të vendit.
Pjesëtarët e grupit autokton “Nahuas” ishin duke u kthyer nga një mbrëmje muzikore, kur u sulmuan në qytezën Chilapa të rajonit Guerrero.
Të gjitha viktimat ishin të gjinisë mashkullore dhe i përkasin moshës nga 15 deri 42-vjeç.
Për këtë sulm u fajësua banda “Los Ardillos”, që do të thotë “Ketrat”. Ajo vë shpesh në shënjestër pjesëtarët e komunitetit autokton në këtë pjesë të Meksikës.
Viktimat ishin anëtarë të grupit muzikor “Sensacion Musical”. Ata po ktheheshin në komunitetin Alcozacan kur u goditën pabesisht nga banda e drogës. Sipas autoriteteve meksikane mësohet se ngjarja ka ndodhur rreth orës 14 sipas kohës lokale.
Trupat e viktimave ishin aq të djegur, saqë autoritetet patën vështirësi për t’i identifikuar menjëherë.
Guerrero është një prej rajoneve më të dhunshme në Meksikë, ku bandat e drogës luftojnë për kontrollin e rrugëve të trafikimit drejt Oqeanit Paqësor dhe pjesëve të tjera të vendit, shkruan “BBC”. /Fjala.al/
