Shtëpia e 83-vjeçarit, Muhamet Biçaku, u shkatërrua nga tërmeti i 26 nëntorit që la pas 51 të vdekur.
Tërmeti nxori edhe një histori të veçantë të vetë të moshuarit, histori e cila rrjedh prej babait të tij.
Gjatë Holokaustit, babai i Muhamet Biçaku, Mefaili dhe vëllai i tij më i madh madh, Njaziu strehuan rreth 20 familje hebreje duke i shpëtuar ato nga forcat italiane dhe ato gjermane.
Ata mundën t’i strehohin familjet herreje në një fshat i quajtur Qarrishte, rreth 50 milje në lindje të Tiranës.
Duke u njohur me këtë histori dhe të prekur nga tragjedia e 26 nëntorit, një organizatë hebreje me qendër në Poloni, ka mbledhur 10,000 dollarë për të rindërtuar shtëpinë e Muhamet Biçakut.
Themeluesi i grupit, Jonny Daniels, theksoi ditëne sotme se “pasi vizitoi Shqipërinë, si pjesë e një misioni humanitar”, ai ka konstatuar se “kostoja totale do të jetë rreth 45,000 dollarë dhe mbledhja e fondeve po vazhdon”, tha Daniels.
Muhamet Bicaku, i cili ishte vetëm 5 vjeç kur babai i tij strehoi hebrenjtë, tani po jeton në kushte të vështira në një prej shtëpive të fëmijëve të tij në Durrës.
Në vitin 2007, familja Biçkau u nderua me çmimin e Guximit për Kujdesin ndaj Hebrenjve.
“Ata i ofruan popullit tonë nevojat më themelore të nevojave njerëzore, strehim, në kohën e tyre më të vështirë, duke iu shpëtuar jetën” shkroi Daniels.
“Sot ne duhet t’ua kthejmë ‘borxhin’ që i kemi kësaj familjeje”./Përshtati nga israelnationalnews.com, Fjala.al
