Për Tiranën dita e sotme do të jetë një mundësi e artë për të shkruar historinë në Europë.
Ekipi e Egbo ka udhëtuar në Zvicër ku do të përballet në një sfidë tepër të vështirë me Young Boys. Nëse kampionët e Shqipërisë arrijnë të bëjnë mrekullinë duke mposhtur zvicerianët, ata do të kualifikoheshin në grupet e Europa League. Kjo jo vetëm që do të ishte historike për futbollin shqiptar, por do të mbushte edhe arkat e kryeqytetasve.
E për ti motivuar më shumë lojtarët drejt një suksesi, Presidenti Refik Halili u ka premtuar një shpërblim të majmë për lojtarët e Tiranës. Në rast të një kualifikimi, ai do ti japë secilit lojtar afërsisht 30 mijë euro.
Nuk dihet me saktësi nëse kjo shifër është vetëm për lojtarët e formacionit apo për të gjithë skuadrën, por sidoqoftë premio është ekzaltuese. Shifra të tilla janë të konsiderueshme edhe në Europë, por për Shqipërinë janë të padëgjuara më parë.
Tani i takon 90 minutëshit në fushën e lojës sot në mbrëmje ku do të vendoset nëse Tirana do të fitojë dhe të shkruaje historine ose jo…
Pa.Va/Fjala.al
