Shumë prej tyre nuk kanë një vend ku familjarët e tyre t’i vendosin një buqetë me lule apo edhe t’i qajnë.
Po flasim për jetët e humbura në kohën e komunizmit ku shumë persona ekzekutoheshin dhe trupi nuk ju jepej familjarëve që ti bënin nderimet e fundit.
Lidhur me këtë një lajm i mirë është dhënë përmes një postimi në rrjetin social Facebook nga Gentiana Sula, Kryetare e Autoritetit për Informim mbi Dosjet e Sigurimit të Shtetit në vitet 1944-1991.
Teksa ka shpërndarë disa fotografi nga punimet, ajo sqaron se në oborrin e Burgut të Burrelit po gërmohet për gjetjen e varreve të humbur në komunizëm.
“Nën udhëheqjen e Task Forcës së posaçme, po gërmohet në oborrin e Burgut të Burrelit për të gjetur gjurmë të varreve të humbur në komunizëm.
Do të jetë një proces shumë i gjatë, dhe mbase i pasuksesshëm në disa raste, por i domosdoshëm dhe i përgjegjshëm.
I uroj familjarëve kurajo, durim dhe forcë për të vënë në vend dinjitetin njerëzor të të dashurve të tyre”, shkruan Sula./Bl.Ba/Fjala.al
https://www.facebook.com/GentaMSula/posts/4537728442936506
