Kryeministri i vendit Edi Rama është sërish i pranishëm nëpërmjet komenteve në “Facebook” duke i kthyer përgjigje qytetarëve për pyetjet e ndryshme që mund të kenë.
Rama është fokusuar tek amnistia fiskale për të gjithë emigrantët që kanë punuar në të zezë dhe duan të deklarojnë kursimet e tyre, duke u shprehur se së shpejti do të bëhet realitet.
“Durim, pasi punët e mira duan mundim”- i shkruan kryeministri qytetarit.
“Jam i vetëdijshëm që lehtësimi i bërë për bizneset është i madh. Po punojmë me ekspertizë ndërkombëtare, pasi jam i bindur pasi njerëzve si ti, që janë dhjetra mijëra së kanë kursyer në emigracion dhe për më tepër ata që kthehen në Shqipëri, duhet t’u japim mundësinë për amnistinë fiskale. Durim, pasi punët e mira duan mundin. Ki besim se më shpejt se vonë edhe këtë instrument do ta kesh gati.”, tha Rama. /Ra.My.Fjala.al/
