Prestigjozja The Economist i ka kushtuar një artikull situatës së krijuar me Shqipërinë dhe Maqedoninë e Veriut për hapjen e negociatave me Bashkimin Evropian.
Artikulli i “The Economist” fillon me përshkrimin e ngjarjes së ndodhur në vitin 1960 kur Presidenti i Francës, Charles de Gaulle bëri të qante Harold Macmillian, Kryeministrin e Britanisë së Madhe, pasi ai nuk dëshironte që Anglia të bëhej pjesë e “Tregut të Përbashkët”.
Doja të vendosja dorën time mbi supe dhe t’i thoja, ashtu si në këngën Edith Piaf -“ Mos qaj, zoti im” -tregon de Gaulle.
Aderimi “big bang” i 2004, kur dhjetë vende kryesisht nga Evropa Qendrore dhe Lindore u bashkuan, ishte menduar të ishte unifikimi i Evropës. Por ajo çoi në thyerje të reja midis lindjes dhe perëndimit. Diplomatët u bënë jo-diplomatikë në lidhje me Rumaninë dhe Bullgarinë, të cilat u bashkuan në vitin 2007, entuziazmi i tyre për korrupsion u zbeh me ritme shumë të ngadalta pas hyrjes në Bashkimin Evropian.
Kërkesa e propozuar për hyrjen e Shqipërisë dhe Maqedonisë së Veriut po dëshmon edhe një herë procesi është i vështirë dhe sfilitës.
Presidenti francez, Emmanuel Macron, bllokoi negociatat e Shqipërisë vitin e kaluar në mbështetje të Holandës dhe Danimarkës, duke i kërkuar që të rregullojë ligjet e saj për t’u bërë pjesë e Bashkimit Evropian.
Tani përpjekjet për të zhdukur dëmin e shkaktuar nga presidenti Macron kanë filluar të merren me seriozitet.
Komisioni, nën administrimin e ri dhe i vendosur për të ndjekur një strategji “gjeopolitike”, do të zbulojë deri në fund të muajit reformat në procesin e pranimit, për të qetësuar vetë presidenti francez dhe aleatët e tij.
Samiti që do të mbahet në pranverë të këtij viti do të sqarojë përfundimisht rrëmujën e krijuar dhe do të caktojë rregullat e reja të pranimit.
Brenda muajit maj në Zagreb, 27 anëtarët e Bashkimit Evropian do të takohen me fqinjët e tyre nga Ballkani Perëndimor për një konferencë tjetër ku dhe do të arrihet diçka konkrete.
/Burimi: The Economist/ Përktheu: Fjala.al/
