Presidenti kinez, Xi Jinping u ka bërë thirrje trupave të përqendrojnë të gjithë vëmendjen dhe energjinë në përgatitjen për luftë.
Gjatë një vizite në një bazë ushtarake në provincën jugore të Guangdong, Xi u tha ushtarëve të jenë ‘vigjilentë’ dhe të ishin ‘absolutisht besnikë, të pastër dhe të besueshëm’.
Qëllimi kryesor i vizitës së Xi në Guangdong ishte mbajtja e një fjalimi në përkujtim të 40 vjetorit të ‘Zonës së Posaçme Ekonomike Shenzhen’, e cila u krijua në 1980 për të tërhequr investime të huaja duke luajtur një rol jetësor në ekonominë e Kinës.
Por vizita ushtarake vjen ndërsa tensioni midis Kinës dhe SHBA-së vijon të jetë i lartë prej dekadash, e ndërsa gjithashtu është krijuar një mosmarrëveshje me Tajvanin nga pandemia e koronavirusit duke krijuar ndarje të mprehta midis Washington-it dhe Pekinit.
Shtëpia e Bardhë njoftoi më parë se synon t’i shesë tre kontingjentë armësh Tajvanit, por tani për tani pritet miratimi i Kongresit Amerikan.
Në një përgjigje nga Pekini, zëdhënësi i Ministrisë së Jashtme, Zhao Lijian i bëri thirrje Washington-it që “menjëherë të anulojë të gjitha planet për t’i shitur armë Tajvanit” dhe të ndërpresë të gjitha “lidhjet ushtarake me këtë vend”./Burimi: CNN/ Përshtati: Fjala.al/Re.Gu
