Ambasadori i Shteteve të Bashkuara në Kosovë, Philip Kosnett deklaron se po punon për normalizimin dhe njohjen e ndërsjellë midis Kosovës dhe Serbisë.
Në rrjetin social “Twitter”, Kosnett bën me dije se do të vazhdojë bashkëpunimi mes dy vendeve për të arritur qëllimin e përbashkët.
“Marrëveshjet e Uashingtonit e plotësojnë këtë proces të udhëhequr nga BE-ja. Do të vazhdojmë të punojmë së bashku për të arritur qëllimet e përbashkëta: normalizimin dhe njohjen e ndërsjellë midis Kosovës dhe Serbisë”, shkroi Kosnett në “Twitter”.
Kujtojmë se Philip Kosnett, priti në Prishtinë të dërguarin e posaçëm të Bashkimit Evropian për dialogun Kosovë-Serbi, Mirosllav Lajçak.
Në këtë takim u diskutua për “interesat e përbashkëta” dhe marrëveshjen e Uashingtonit.
Vlen të theksohet se bisedimet Kosovë-Serbi po zhvillohen në Bruksel me pjesëmarrjen e delegacioneve përkatëse.
la.mi/Fjala.al
