Ahmet Prençi jep një shifër shumë të rëndë si pjesë e kanabizimit të vendit. Gjatë emisionit HARD TALK NGA ROLAND QAFOKU Prençi tha janë 290 mijë hektarë tokë e e hapur vetëm për të mbjellë kanabis.
-21 tonë farë kanabis ka thënë presidenti në detyrë në atë kohë Bujar Nishani, është futur në Shqipëri në vitin 2016. Nuk pati në Shqipëri ndonjë oficer policie të ndershëm dhe ta bëjnë publike këtë gjë?
-E bëri pak Dritan Zagani, çfarë pësoi? U arrestua dhe sot është në azil. Punonjësit e policisë kanë informacione dhe dinë më së mirë lidhjet e krimit të organizuar me politikën. Ato duke i ditur mirë, dinë dhe pasojat që janë mbrapa. Kështu që ata nuk janë të paaftë, janë të tulatur. Nuk janë të pandershëm, janë të tulatur me kokën ulur për të vëzhguar situatën dhe për të mos vepruar. Sepse të vijë gjithë ajo farë kanabis, të shpërndahet në gjithë vendin, janë hapur toka të reja 290 mijë hektarë.
-Tokë e re?
-Tokë që është mbjellë më kanabis. Janë hapur toka të reja, janë bërë impiante për t’i vaditur, janë hapur aerodrome, ku është kjo polici që kontrollon territorin në çdo cep?/Fjala.al/Ke.Ba
