Aktorja e njohur amerikane, Sharon Stone, ka treguar për guximin që i është dashur të tregojë në mënyrë që të merrte rolin në filmin ‘Basic Instinct’. Stone tha se ka pozuar për revistën “Playboy” në 1990, në mënyrë që të ishte pjesë e filmit.
Në atë kohë, Stone nuk ishte një aktore e njohur kështu që zgjodhi një mënyrë strategjike, që të merrte rolin, që më vonë do ta kthente atë në statusin e një ‘seks simboli’.
Ajo interpretoi personazhin kryesor, Catherine Tramell, përballë Michael Douglas, i cili luajti detektivin Nick Curran në këtë film.
Gjatë një paraqitje në The Dreë Barrymore Show të mërkurën, Stone tha, “Unë vendosa të bëja një artikull të ‘Playboy’ posaçërisht sepse doja të isha pjesë e Basic Instinct”.
“Nuk e kuptova se çfarë do të ndodhte kur të bëja filmin”, pranoi aktorja.
“Unë mendova se ishte pjesa e duhur për mua dhe e dija se çfarë duhej të bëja për ta marrë atë rol. Nuk kisha perspektivë të mjaftueshme për të kuptuar se çfarë do të ndodhte”.
Pas publikimit të këtij filmi, fama e yllit u rrit dukshëm në Hollywood.
Stone më vonë ishte e pranishme edhe në: “Casino”, “Silver”, “Catwoman” etj. Ka.Li/fjala.al
