Komisioni i vlerësimit të kandidaturave në Partinë Demokratike ka përfunduar sot procesin e vlerësimit të emrave që u votuan nga baza.
Janë 326 emra që tashmë do të shqyrtohen nga Kryesia e PD, për të përcaktuar listën finale të kandidatëve.
Në total, Komisioni i Vlerësimit në PD ka skualifikuar rreth 150 emra. Pasdite komisioni do të dalë me një deklaratë për të dhënë më shumë detaje.
Mbyllja e punës në komisionin shënon edhe përfundimin e fazës së 3-të të përzgjedhjes së kandidatëve në PD.
Në fazën e parë u propozuan rreth 3600 emra në të gjitha degët e PD. Në fazën e dytë komisioni seleksionoi emrat e mundshëm për çdo qark, të cilët ia dërgoi për votim sërish bazës së PD.
Më pas emrat u kthyen sërish në Komision, i cili bëri vlerësimin e kandidatëve të mundshëm në bazë të kontributit në parti dhe pëlqyeshmërisë nga baza (sa më pak vota kundër, vlerësim më i mirë).
Në fund Kryesia voton dhe zgjedh 140 kandidatët me të cilët PD do të dalë në zgjedhjet e 25 prillit 2021./Bl.Ba/Fjala.al
