Asnjë viktimë nga Covid-19 të enjten nuk është shënuar në Kosovë, ndërsa janë konfirmuar 159 raste të reja.
Lajmi është bërë me dije nga ministri i Shëndetësisë, Armend Zemaj, i cili deklaroi se dita e sotme ka shënuar edhe një numër rekord testimesh.
“Sot, është shënuar numri më i lartë i testimeve brenda 24 orëve, nga 1.245 mostra të marra, 159 kanë rezultuar pozitiv, ndërsa nuk është shënuar asnjë rast tragjik nga Covid-19”, ka thënë ai.
Një ditë më parë Kosova shënoi 124 raste të reja me koronavirus, ndërsa 49 persona u raportuan të shëruar.
“Rezultojnë 124 raste pozitive. Brenda 24 orëve nuk është raportuar asnjë rast i vdekjes me SARS CoV-2 pozitiv”, njoftoi dje IKSHPK./Re.D/Fjala.al
