Berisha nuk beson aspak te SPAK. Kjo është një gjë që dihet dhe këtë ai e ka thënë disa herë. Por cilat janë arsyet. Gjatë emisionit “HARD TALK NGA ROLAND QAFOKU,” Berisha tha publikisht dosjet që sipas tij e bëjnë atë të mos ketë besim te struktura e posaçme anti-korrupsion.
-Si ka mundësi që ju gati e zhvlerësoni SPAK-un, kur SHBA e ka bekuar atë?
-Nuk më takon mua të komentoj deklaratat e Ambasadës Amerikane. Ajo çka mund të them unë për SPAK-un, deri më sot nuk di ndonjë shqiptar që mund të besojë te SPAK-u. Së pari, SPAK u ngrit në mënyrë jo kushtetuese.
Kushtetuta përcaktonte shumë qartë se cili është numri taksativ për tu quajtur i ngritur SPAK-u. Cilat janë kushtet dhe pse caktohet ky numër. Kushtetuta përcakton shumë qartë se KLP duhet të kryesohet nga magjistratë dhe jo kunat matrakë.
Unë do kisha dëshirë të madhe të duartrokisja, të garantoj. Por nuk mund të duartrokas sepse nuk mund të pranoj kurrë struktura që ngrihen në dhunim të Kushtetutës. Sepse ato nuk mund të funksionojnë. Sepse ato shkojnë drejt paralizës.
la.mi; ke.ba/Fjala.al
