A ka besim opozita te Struktura e Posaçme Antikorrupsion? Kjo është një pyetje që shtrohet shpesh për faktin se në radhët e opozitës ka që janë shprehur me mosbesim. Por si i përgjigjet kësaj pyetje Dashamir Shehi, kryetar i Lëvizjes për Zhvillim Kombëtar. Gjatë emisionit HARD TALK NGA ROLAND QAFOKU Shehi tha se edhe beson por edhe nuk beson tek institucioni më i rëndësishme i reformës në drejtësi.
-Ka disa kohë që është ngritur SPAK. Ju në deklaratat tuaja keni qenë gjithmonë mosbesues. Si ka mundësi që ju dhe opozita keni qenë mosbesues, keni bërë kallëzime në SPAK dhe ndërkohë SHBA ka mbështetje shumë të fortë ndaj SPAK.
-Në rradhë të parë, opozita e mbështet drejtësinë. Unë për vete, me gjithë mosbesimin jam munduar ta mbështes SPAK-un. Akoma brenda reformës në drejtësi ka elementë të cilët unë shpresoj që do bëjnë punë. Por hijen e dyshimit nuk ka të drejtë të na e heqë asnjëri sepse u bënë 3-4 vjet që merremi me këtë temë. Dhe ky SPAK-u unë gjykoj se do bëjë diçka. Jo për opozitën, madje as për Ramën. Një pjesë prej atyre do mundohen ta bëjnë detyrën e vet. Deri tani nuk e kanë bërë. Dhe këtu opozita nuk ka asnjë lloj faji që dyshon. Nëse ti bën zhurmë dhe nuk bën asgjë, më fal por… Zoti Rama e ka shtyrë qeverisjen e vet me këtë punë./Fjala.al/Ke.Ba
