Policia qëlloi dhe vrau një të ri afro-amerikan në shtetin e Uashingtonit, duke shkaktuar një valë protestash në shtetet perëndimore.
Kush është afro-amerikani i vrarë?
Miqtë dhe familja e viktimës e identifikuan djalin e vrarë si Kevin E Peterson Jr, 21 vjeç. Ai ishte një futbollist i shkollës së mesme dhe një baba i një vajze.
Peterson u vra të enjten në darkë në një parking në Hazel Dell, një zonë afër Vancouver në Uashington. Babai i Peterson tha se djali i tij ishte një njeri shembull dhe s’mund ta mendonte se si mund të jetë përfshirë në atë ngjarje me oficerët e sigurisë.
Sipas raportimeve nga Oregon Live, Peterson u vra ndërsa po bisedonte në telefon me bashkëshorten e tij.
Protestat
Me dhjetra qytetarë dje në darkë dolën për të protestuar në vendin e ngjarjes, ndërsa protestuesve iu bashkuan edhe familjarët e të ndjerit.
“Famija e tij nuk ka shumë informacion, ata kanë një dhimbje të madhe, ishte vetëm 21-vjeç dhe kishte një fëmijë të porsalindur, ata se dinë se çfarë ka ndodhur”, tha një nga të afërmit për mediat.
Në një deklaratë, policia lokale deklaroi se një patrullë nga task-forca e drogës po kryente një hetim dhe kishte marrë informacion se një burrë po shpërndante një sasi droge në një parkin banke.
Deklarata thekson se në kohën kur policia është afruar, ai ka qëlluar në drejtim të tyre, ku më pas këta të fundit i janë kundërpërgjigjur.
Nga të dhënat, një armë është gjetur në vendngjarje.
Zgjedhjet presidenciale janë pranë
Vrasja e Peterson ndodhi disa ditë para zgjedhjeve presidenciale në SHBA. Problemet raciale në SHBA janë çështjet kryesore të opinionit publik dhe mbi të gjitha, votat e komunitetit afro-amerikan, janë një peshë e madhe për rezultatin zgjedhor./Re.D/Fjala.al
