Kryetarja e LSI-së Monika Kryemadhi, ka zhvilluar një takim në Durrës, me të rinjtë dhe të rejat e Lëvizjes Socialiste për Integrim. Kryemadhi tha nga Durrësi se Rama ka betonizuar qytetin bregdetar dhe se realiteti në vend duhet të ndryshojë.
“Durrësi di të durojë, por di edhe të ndëshkojë në momentin e duhur. Ne ftojmë të gjithë të rinjtë që të vijnë në Shqipëri dhe të ndryshojnë realitetin. Në Durrës, ka beton, Durrësi përmbytet.
Durrësi nuk ka nevojë për beton, s’ka nevojë për grupe interesi që janë të lidhura me krimin, por të jetë rrugë lidhëse që lidh shqiptarët me zhvillimin dhe Europën. Nuk mund ta bllokojë dot zhvillimin dot një njeri që do të bllokojë Shqipërinë dhe të ardhmen e rinisë shqiptare”, tha Kryemadhi.
Monika Kryemadhi theksoi se edhe LSI ka bërë gabime gjatë tranzicionit, duke shtuar se ky tranzicion do të marrë fund më 25 prill.
“Ne kemi strategji të re për Durrësin. Durrësi nuk ka nevojë jo vetëm për durrsakët e vjetër, por edhe për dibranët, për skraparllinjtë, pukjanët, shijakasit e kushdo që jeton në në këtë qytet. Ne do jemi tritol njerëzor që do shkatërrojmë llumin e Ramës.”, deklaroi Kryemadhi.
Lidhur me këto deklarata Kreu i Grupit Parlamentar të Partisë Socialiste, Taulant Balla i ka kthyer përgjigje Kryetares së LSI-së Monika Kryemadhi.
Balla ka zgjedhur që t’i përgjigjet Kryemadhit me thënien e famshme të Mark Twein. “Zhurma nuk provon asgjë. Shpesh një pulë që ka bërë thjeshtë një vezë, kakarit sikur ka bërë një asteroid”. Mark Twein”, shkruan Balla./Bl.Ba/Fjala.al
