Deputetja e opozitës Rudina Hajdari ka rezultuar e infektuar me Covid 19. Lajmin e ka bërë të ditur vetë Hajdari përmes një postimi në rrjetet sociale ku shprehet se fillimisht i janë shfaqur disa simptoma të lehta dhe pasi i është nënshtruar tamponit ka rezultuar pozitive.
Ndër të tjera teksa shprehet se deri tani është në gjendje të mirë shëndetësore, ajo apelon qytetarët që ta marrin seriozisht këtë sëmundje dhe të ruajnë veten dhe familjet e tyre.
“Mbas shfaqjes së disa simptomave, jam testuar dhe kam rezultuar pozitive me Covid19. Fatmirësisht deri tani simptomat janë të lehta dhe të përballueshme, por do më duhet të izolohem për të ruajtur shëndetin e familjarëve, bashkëpunëtorëve dhe mbështetësve.
Nga sot e deri kur rezultatet të ridalin negative, do të punoj nga shtëpia dhe do të mund të takohemi vetëm online. Do mundohem të përdor sa më shumë teknologjinë për të kompesuar mungesën fizike dhe ta shfrytëzoj këtë kohë për të zhvilluar ide dhe projekte të reja.
Ju lutem shumë merreni seriozisht këtë sëmundje dhe masat mbrojtëse ndaj saj. Ruajuni për veten dhe familjet tuaja. Ju uroj shëndet të gjithëve”, shkruan Hajdari./Bl.Ba/Fjala.al
