Covid-19/ Princi William doli pozitiv në muajin prill

113 563 lexime

124,178FansaPëlqeje

Princi William u infektua me Covid-19 në fillim të këtij viti.

Mësohet se Duka e Kembrixhit doli pozitiv në muajin prill, në të njëjtën kohë me babanë e tij, Princin e Uellsit.

Sipas gazetës The Sun, e cila raportoi për herë të parë historinë, Princi William, 38-vjeç, nuk tregoi se ishte infektuar me arsyen se dëshironte të shmangte sadopak frikën në popull.

Pallati Kensington refuzoi të prononcohet në lidhje me lajmin.

William, i dyti në radhë për fronin, nuk i tregoi askujt në lidhje me rezultatin e tij pas testimit, pasi “kishte shumë gjëra të rëndësishme që po ndodhnin dhe nuk dëshironte të shqetësonte askënd”, shkruan The Sun.

Princi William u trajtua nga mjekët e pallatit dhe ndoqi udhëzimet e qeverisë duke u izoluar në shtëpinë e familjes në Anmer Hall në Norfolk.

BBC, shkruan se gjendja e Princit William nuk është zbuluar në atë kohë, pasi ata dëshironin të shmangnin panikun e përhapur në popullsi, duke pasur parasysh edhe gjendjen e krijuar.

Kujtojmë se Princi Charles në muajin maj rezultoi pozitiv në testin Covid-19. Ai shfaqi simptoma të lehta, ndërsa gjendja e tij shëndetësore ishte e mirë, duke u izoluar në shtëpinë e tij në Skoci.

Edhe bashkëshortja e tij, dukesha iu nënshtrua testit, por edhe pse rezultoi negative qëndroi e izoluar pranë princit Charles.

Mjekët thanë se ai mund të jetë infektuar që nga data 13 mars.

Lajmi për infektimin e Princit William vjen disa ditë para se Anglia të futet në një bllokim të dytë kombëtar dhe që mendohet se masat izoluese do të zgjasin për katër javë, duke filluar që nga dita e enjte.

Britania e Madhe të dielën regjistroi 23.254 raste të reja, duke e çuar numrin e përgjithshëm të infektuarve në 1.034.914.

Lexo edhe :  Dominon Koreja e Jugut/ Tregu shqiptar "ngopet" nga importi, bie numri i makinave

162 persona u raportuan se kishin vdekur, ndërsa numri i përgjithshëm i viktimave në Britaninë e Madhe arriti në 46.717./Re.D/Fjala.al

Të fundit

Plani sekret i Pentagonit, krijohet ushtria për protestat civile

Administrata Trump po vlerëson planet për krijuar një “Forcë Reagimi të Shpejtë për Trazirat Civile të Brendshme” të përbërë...

“Zelensy mund të tërhiqet nga Donetsku, po i bën presion Trump”

Autoritetet ukrainase po shqyrtojnë mundësinë e tërheqjes së forcave nga zonat e Donetskut që ende mbahen nën kontrollin e tyre, në rast se rritet...

“Djegia e kazanëve me plehra, fenomen mesjetar shqiptar”

Nëse ligji nuk vepron dhe ndëshkon, i nxit më shumë shkelësit apo inkurajon që të vijojnë në praktikën e tyre të kundravajtjes penale. Kjo shpjegon...

Lookman i pamundur, Inter piketon yllin e Bundesligës

Inter ka hequr dorë përfundimisht nga Ademola Lookman. Edhe pse ra dakord për kushtet personale me lojtarin dhe gjithçka dukej në rregull, problemi qëndron...

Ushtarët ukrainas po humbin shpresat: “Rusia po rigjenerohet”

Takimi midis Donald Trump dhe Vladimir Putin, në Alaska, përveç pritshmërive ka edhe shumë skepticizëm. Të parët që shprehen për këtë janë ushtarët ukrainas...

Lajme të tjera

Web TV