Një djali në Kinë i është nënshtruar një operacioni për të hequr një kabull nga fshikëza e urinës pasi e kishte mbajtur brenda në trup prej 3 muajsh.
Djali i moshës 13-vjeç tha se ishte kurioz të dinte se nga vinte urina dhe kështu ai futi telin metalik për t’a zbuluar. Djali shkoi në urgjencë pasi muajin e fundit filloi të urinonte gjak.
Prindërit e tij e dërguan atë për një kontroll pasi vunë re se urina e tij ishte me gjak. Ndërsa ekzaminonin 13-vjeçarin, mjekët u tronditën kur panë tela të ngatërruar brenda fshikëzës së tij.
Më vonë i riu e pranoi te mjekët se tre muaj më parë nga kurioziteti kishte futur telin metalik në uretrën e tij. Pasi e kishte future telin metalik shumë shpejt ai kuptoi se nuk mund ta nxirrte atë sërish dhe e kishte mbajtur sekret nga prindërit e tij.
Por menjëherë pas zbulimit mjekët planifikuan që pacienti ti nënshtrohej operacionit të heqjes së telit ditën e nesërme. Fatmirësisht tashmë 13-vjeçari është në gjendje të mirë dhe shumë shpejt do të lërë spitalin.
Incidente të ngjashme kanë ndodhur dhe më parë në Kinë, ndaj mjekët paralajmërojnë prindërit që të edukojnë fëmijët e tyre për rrezikun e futjes së sendeve të huaja në trupat e tyre./r.g/Fjala.al
