Kujtim Fejzullai postoi foto me armë dhe hanxharë në dorë në rrjetet sociale para se të kryente sulmin terrorist në Vjenë, ku mbetën të vdekur katër persona dhe u plagosën 20 të tjerë.
Ministri i Brendshëm austriak, Karl Nehammer tha gjatë deklaratës për mediat se sulmuesi 20-vjeçar postoi në llogarinë e tij në Instagram një foto me armët dhe hanxharin.
Fejzullai filloi sulmin e tij në orën 20:00 pranë një sinagoge. Ai shkoi përmes një rruge i veshur me eksploziv të rremë dhe plagosi 20 persona përpara se të qëllohej për vdekje nga policia austriake.
Policia austriake ka bërë me dije se deri më tani janë arrestuar 14 persona të cilët besohet se kanë lidhje me sulmin. Ndërkohë ministri i Brendshëm austriak tha se nuk ka asnjë provë se një sulmues i dytë të jetë i përfshirë.
