Një gjykatë në Valencia ka dënuar Ministrinë e Shëndetësisë në Spanjë për të dëmshpërblyer me 60 mijë euro një pacient, i cili humbi një nga testikujt në spitalin “Vega Baja” në Orihuela gjatë një ndërhyrjeje kirurgjikale.
Pacienti fillimisht kërkoi 120 mijë euro, por gjykata vendosi për një dëmshpërblim me një shumë prej 60 mijë euro, plus interesin ligjor.
Me datë 2 mars, 2015 një 39-vjeçar nga Orihuela u paraqit në Shërbimin e Urgjencës në spitalin “Vega Baja” në Orihuela në orën 13:15, pasi kishte dhimbje të testikujve.
Pavarësisht dhimbjejeve, stafi mjekësor vendosi ta operojë pas tetë orësh që ishte paraqitur në urgjencë, por duke pasur parasysh kohën e kaluar deri sa u vendos që të ndërhyet, humbja e një testikuli nuk mund të shmangej.
Për shkak të këtij fakti, pacienti ngriti një padi gjyqësore, duke vazhduar me një proces gjyqësor me akuzën për “vonesë të pajustifikuar”, ndërsa ai u diagnostikua me skrotum akut./Re.D/Fjala.al
