Pas policisë së shtetit edhe burgjet kërkojnë instalimin e kamerave të trupit për punonjësit gjatë kryerjes së shërbimit. Kamerat do të shërbejnë për shmangien e korrupsionit por edhe për të kapur rastet e shpërdorimit të detyrës.
Mësohet se kamerat shihen si të domosdoshme për të faktuar edhe rastet kur të burgosurit kërcënojnë e shantazhojnë stafin e burgut. Forcat operacionale janë ato që kontrollojnë qelitë, mbajnë rregull, transportojnë të dënuarit në prokurori, gjykatë, spitale.
Konkretisht, në fushën e rritjes së sigurisë në ambientet e vuajtjes së dënimit ku do të investohet në blerje pajisjesh speciale dhe kontrolli (Sistem telefonik për DPB-në, sisteme të reja kamera sigurie në IEVP, sistem komunikimi me radio në të gjithë territorin e IEVP-ve, kamera trupi për forcat operacional etj, rreth 78.2 miljon lekë.
Me blerjen e këtyre pajisjeve parashikohet të rritet niveli i sigurisë fizike nëpërmjet vëzhgimit dhe kontrollit me sisteme sigurie të kontrollit dhe monitorimit elektronik dhe policisë së burgjeve. Ky investim do të përmirësonte elementet e mbikëqyrjes dhe sigurisë për stafin policor në Sistemin e Burgjeve./Bl.Ba/Fjala.al
