Fitorja e Biden si president i SHBA, ka revoltuar shumë Trump. Këtë revoltë ai e shfaq nëpërmjet deklaratave në media por edhe në rrjetin social “Twitter”. Vetëm disa ditë pasi Biden fitoi zgjedhjet, doli lajmi se po krijohet një vaksinë anti-Covid, e cila është 90% efektive.
Sipas Trump, miratimi i kësaj vaksine para zgjedhjeve ka qënë një komplot i cili e ka ndaluar atë të bëhej përsëri president. Ai akuzoi FDA për bashkëpunimin me Partinë Demokratike për njoftimin e vaksinës anti-Covid.
“FDA dhe Demokratët nuk dëshironin që unë të merrja një Vaksinë, para zgjedhjeve, kështu që në vend të kësaj doli pesë ditë më vonë.”- shkruajti Trump në Twitter.
Ai shtoi se nese Biden do të ishte president më parë, kjo vaksinë nuk do të kishte dalë as për katër vite të tjera.
“Nëse Joe Biden do të ishte President, nuk do ta kishit Vaksinën për katër vjet të tjera, as FDA nuk do ta kishte aprovuar ndonjëherë kaq shpejt. Burokracia do të kishte shkatërruar miliona jetë! Siç kam thënë prej kohësh, Pfizer dhe të tjerët do të shpallnin një Vaksinë vetëm pas Zgjedhjeve, sepse ata nuk kishin guximin ta bënin atë më parë.”- vijon të shkruajë Trump. Mi.H/Fjala.al
