Covid/ Vaksina e firmave BioNTech-Pfizer 95% efektive në provën përfundimtare

113 563 lexime

124,178FansaPëlqeje

Firma gjermane BioNTech e partneri i saj amerikan Pfizer po përgatiten të paraqesin vaksinën e tyre tek rregullatorët amerikanë për miratim për përdorim emergjent. Ato thonë se vaksina është efektive në 95% të rasteve.

Rezultatet përfundimtare të testeve për vaksinën e koronavirusit të zhvilluar nga firma gjermane BioNTech dhe partneri amerikan Pfizer treguan se ajo kishte një normë efikasiteti prej 95%, bënë të ditur të dyja firmat farmaceutike të mërkurën. Kjo bazohet në teste dymujore, që siguruan gjithashtu të dhëna me vlerë për sigurinë e vaksinës.

Rezultatet e fundit erdhën në përfundim të fazës së tretë të testimit të vaksinës. Të dyja kompanitë thanë më tej se ato e kanë përmbushur piketën e sigurisë të kërkuar nga Administrata Amerikane e Ushqimit dhe Medikamenteve të SHBA. Ato tani planifikojnë të kërkojnë zyrtarisht “brenda ditësh” nga rregullatori amerikan të lejojë përdorimin emergjent të vaksinës. Të dyja firmat farmaceutike gjithashtu thanë se ato ia kanë dërguar të dhënat e testimit të vaksinës rregullatorëve të tjerë në Evropë, Britani të Madhe dhe Kanada.

Njoftimi vjen dy ditë pasi Moderna, firmë amerikane, tha se vaksina e saj COVID-19 ishte 94.5% efektive.

Cilat ishin rezultatet e testimit të Pfizer-BioNTech?

BioNTech dhe Pfizer fillimisht vlerësuan se vaksina e tyre ishte të paktën 90% efektive, pasi në një studim me 44.000 pjesëmarrës qenë konstatuar 94 infektime. Me njoftimin e së mërkurës, të dyja firmat thanë se studimi i tyre përfshinte 170 infektime me koronavirusit.

Megjithatë, vetëm tetë nga të infektuarit ishin në grupin që qe vaksinuar. Të tjerët, 162, ishin midis pjesëmarrësve në grupin që kishin marrë një preparat placebo.

Dhjetë raste të rënda u raportuan në studim, nëntë nga grupi placebo dhe një nga grupo që kishte marrë vaksinën.

Lexo edhe :  “Sherifi” i demokracisë? Berisha pozon me kapelen e kaubojsëve

Të dyja firmat thanë se efikasiteti prej 95% ishte i qëndrueshëm midis grupeve të moshave, gjinive dhe demografive etnike. Efikasiteti tek të rriturit mbi 65 vjeç, të cilët rrezikohen më shumë, ishte 94%, shtuan ata.

Përfaqësuesit e kompanive gjithashtu raportuan se vaksina ishte e toleruar mirë.

Efektet e vetme anësore të përjetuara nga personat vullnetarë që morën pjesë në test, ishin lodhja dhe dhimbja e kokës.

Nga 8.000 pjesëmarrës, 2% kishin dhimbje koke pas dozës së dytë, ndërsa 3.8% ndjenë lodhje./DW/

Të fundit

KPA lë në fuqi vendimin për shkarkimin e gjyqtares së Tiranës Shefkie Mataj

Kolegji i Posaçëm i Apelimit ka lënë në fuqi vendimin për shkarkimin nga detyra të gjyqtares së Tiranës, Shefkie...

Ndihmojnë për forcimin e kujtesës, ja produktet që ju duhen çdo ditë

Bajamet përmirësojnë kujtesën dhe fuqinë e trurit. Ato janë të pasura me antioksidantë dhe acide yndyrore Omega-3 të cilat janë fantastike për kujtesën dhe...

Rritja e temperaturave po shkrin parkun më të madh të akullit dhe borës në botë

Parku më i madh i akullit dhe borës në botë, “Ice-Snow World” në Harbin, në verilindje të Kinës, do të mbyllet të mërkurën në...

Kryeministri polak shfaqet papritur me paterica, ja çfarë ka ndodhur me Donald Tusk

Kryeministri polak, Donald Tusk, ka pësuar një incident gjatë një fundjave me nipërit e tij, teksa bënte ski. Në një postim në “X”, ai publikoi...

39 parti regjistrohen në zgjedhjet e 11 majit

Komisioni Qendror i Zgjedhjeve ka regjistruar 39 parti politike për zgjedhjet parlamentare të 11 majit. Pas regjistrimit të 15 partive ditën e djeshme, në seancën...

Lajme të tjera

Web TV