Qyteti i cili është epiqendra e shpërthimit të virusit I cili po përhapet në të gjithë planetin, është cilësuar si “qyteti fantazmë” nga vendasit.
Fotografi të publikuara tregojnë moment horror të njerëzve që janë të shtrirë nëpër rrugë si pasojë e virusit I cili në një hark të shkurtër kohor ka lënë pas 26 viktima.
Në videon e publikuar shihet një burrë I shtrirë përtokë pa ndjenja, ndërsa mjekët të pajisur me maska përpiqen t’i japin atij ndihmën e parë.
Një foto tjetër tmerruese shihet një burrë i vdekur në tokë të cilit po i rridhte gjak nga koka. Një faqe lokale ka raportuar se viktima vdiq nga virusi vdekjeprurës.
Banorëve të qytetit Wuhan, nga ku ka dhe origjinën virusi, u është thënë të shmangin turmat dhe të mos marrin pjesë në tubime publike, duke e lënë qytetin me pamjen e një “qyteti fantazmë”.
Imazhe të tjera tregojnë njerëz duke pritur në radhë të gjata për tu vizituar nga mjekët. Pekini po i përgjigjet përhapjes së shpejtë të virusit duke ndërtuar një spital me 1000 shtretër kushtuar pacientëve të infektuar me koronavirus.
Shifrat e fundit tregojnë se numri i rasteve në Kinë tani është rritur në 800 përfshirë personat e tjerë të shtruar në Japoni, Vietnam, Singapor, Tajlandë, Korenë e Jugut dhe SHBA.
Sipas Washington Post, Wuhan Railway fshiu një postim në mediat sociale në 15 janar ku u tha se 300,000 njerëz u larguan nga qyteti. Ndërsa mosbesimi ndaj qeverisë rritet, ekzistojnë dyshime se poste të tilla zyrtare janë fshirë për të mbrojtur publikun nga shtrirja e vërtetë e shpërthimit.
Shtatë milion njerëz në Huanggang, i cili ndodhet 45 milje larg, u është thënë të mos largohen pasi kishte raste të konfirmuara.
Në qytetin Zhijiang, të gjitha vendet publike janë mbyllur përveç spitaleve, supermarketeve, tregut të fermerëve, stacioneve të benzinës dhe dyqaneve të ilaçeve, raportoi Hubei Daily./Fjala.al/Përshtati: Kamela Liko/Burimi: The Sun
