1.15 miliardë Euro ka qenë shuma e donacioneve dhe kredive që dha BE dhe vende të tjera për Shqipërinë në ndihmë të rindërtimit të pasojave të tërmetit të 26 nëntorit. Megjithatë ish-deputetja e PD Dhurata Çupi e cilëson si mungesë besimi atë që shumë nga donatorët po i ndërtojnë vetë godinat e reja dhe rikonstruksionin e godinave të dëmtuara. Gjatë emisionit HARD TALK NGA ROLAND QAFOKU, Çupi u shpreh:
-Pse PD e shikon si problem pjesën e rindërtimit të ndërtesave të prishura nga tërmeti?
-1.15 miliardë euro ishte një ndihmë reale e aleatëve tanë, e donatorëve. Mbi 500 milion euro kanë qenë pjesë e donacioneve dhe e sponsorizimeve të ndryshme qoftë jashtë, qoftë pjesë e buxhetit, për ndërtimin nga pasojat e tërmetit. Ku kanë vajtur 500 milionë euro? Një qeveri e përgjegjshme ka një strategji afatshkurtër që është zakonisht një vjeçare dhe afat mesëm 2-3 vjeçare për të shmangur pasojat imediate. Pse donatorët e huaj në shumicën e rasteve nuk kanë besuar të alokojnë paratë dhe t’i ndërtojë qeveria? Pse shumë donatorë të huaj kanë preferuar t’i ndërtojnë vetë këtu? Sepse është besimi zero te kjo qeveri./Fjala.al/Ke.Ba
