Rally Dakar 2020 ka rezultuar të jetë tragjik për garuesit, kjo pasi është regjistruar viktima e dyte brenda dy javëve në garat me motor.
Piloti holandez, Edwin Straver ka ndërruar jetë pas qëndrimit në koma prej tetë ditësh. Ai u aksidentuar në fazën e 11-të, nga ku mori dëmtime të rënda në shtyllën kurrizore. 48-vjeçari ishte në gjendje të rëndë dhe kaloi në koma për disa ditë, por nuk ka mundur t’i rezistojë dëmtimeve të marra.
Kujtojmë se më datë 12 janar 2020 Paulo Gonçalves gjithashtu humbi jetën në garë pas një përplasjeje të rëndë dhe më pas një ataku kardiak. Këto gara kanë shënuar me qindra të vdekur në gjithë historinë saj.
Kujtojmë se që prej 6 janarit të 2015-ës, kur humbi jetën Michal Henrik nuk ishte regjistruar ndonjë aksident me marrje jete në garat e motorave. Mirëpo, Pauolo Gonçalves ishte e para viktimë e këtij viti, i cili u aksidentuar në etapën e shtatë të kompeticionit./Fjala.al/
