Presidenti rus Putin ka urdhëruar autoritetet për nisjen e vaksinimit masiv kundër Covid-19. Vaksinimi do të kryhet në mënyrë vullnetare dhe do të nisë javën tjetër.
Brenda ditëve të ardhshme Rusia do të prodhojë 2 milionë doza vaksinash Sputnik. Sipas rezultateve të përkohshme, vaksina ruse ka një efektivitet pej 92%.
Rastet me Covid-19 kanë pësuar rënie pas një piku në datën 27 nëntor, ku u shënuan 25,345 raste pozitive ditore. Rusia i ka rezistuar imponimit të izolimeve gjatë valës së dytë të virusit.
Me 2,347,401 infeksione, Rusia ka numrin e katërt më të madh të rasteve COVID-19 në botë pas Shteteve të Bashkuara, Indisë dhe Brazilit. Ajo ka regjistruar 41.053 vdekje në lidhje me COVID-19 që nga fillimi i pandemisë.
Kremlini më parë dha garanci se rusët ishin të parët në radhë për t’u vaksinuar. “Prioriteti absolut janë rusët,” tha zëdhënësi i Kremlinit Dmitry Peskov. “Prodhimi brenda Rusisë, i cili tashmë është duke u zhvilluar, do të plotësojë nevojat e rusëve.”/ Re.D/Fjala.al
