Kasem Hysenbelliu, biznesmeni dhe pronari i medias Fax News nuk jeton më. Lajmi tragjik bëhet me dije mëngjesin e sotëm.
Vetë televizioni në pronësi të tij njofton lajmin e keq, se biznesmeni i njohur ka ndërruar jetë mëngjesin e sotëm në Turqi, ku ishte duke u kuruar prej disa javësh, e ku nuk mundi që të fitonte dot betejën me Covid, pavarësisht përpjekjeve të mjekëve dhe lutjeve të familjarëve, miqve dhe të gjithëve atyre që e kanë njohur.
Një nga miqtë e tij, Sekretari i Shoqatës Atdhetare “Tomorri”, Ramis Hamzollari, ka ndarë lajmin e trishtë në rrjetet sociale.
“Lajm i trishtë! Ehhh… u takuam vetëm 3 ditë para se Covid të jepte simtomat e para!” Nuk e besoja kurrë që do shkruaja që në mëngjes për ty Kasem Hysenbelli këto fjalë!”
“Na lëndove! Çdo ditë interesoheshim se mos diçka po ndryshonte! Si mik, si Sekretar i Përgjithshëm i Shoqatës Atdhetare Kulturore Tomorri, po të përcjell fjalë e fundit, ty anëtarin e kryesisë së kësaj12 shoqate!
“Lamtumirë mik i mirë! Të shkoftë shpirti në parajsë!”, – ka shkruar në mesazhin e ngushëllimit, Ramis Hamzallari.
Fjala.al i shpreh ngushëllime të sinqerta familjes Hysenbelliu, për humbjen e të shtrenjtit të tyre./Bl.Ba/Fjala.al
