Policia e Durrësit ka proceduar penalisht dy të rinj, pasi organizuan protestën për vrasjen e Klodian Rashës, i riu që u qëllua për vdekje nga efektivi i policisë mesnatën e së hënës.
Blutë e Durrësit njoftojnë se të rinjtë A. B., 30 vjeç dhe Sh. M., 26 vjeç, banues në Durrës u proceduan për veprën penale “Organizimi dhe pjesëmarrja në grumbullime e manifestime të paligjshme”.
Këta dy persona, sipas policisë organizuan rreth orës 17:00 një grumbullim me rreth 40 persona, pa lejen e organeve kompetente.
Materialet i kaluan Prokurorisë së Rrethit Gjyqësor Durrës, për veprime të mëtejshme./Bl.Ba/Fjala.al
