Një efektiv i policisë në Kosovë, ka mbetur i plagosur me armë zjarri, pas përleshjes me disa grabitës.
Sipas “Exspress” ngjarja ka ndodhur mëngjesin e sotëm, në lagjen “Veterniku” në Prishtinë, ku disa persona tentuan të vidhnin bankomatin e një qendre tregtare. Efektivi është përleshur me hajdutët të cilët nuk donin të dorëzoheshin.
Ata qëlluan me armë zjarri drejt policisë dhe një prej tyre mbeti i plagosur. Aktualisht i plagosuri ndodhet në spital dhe po merr ndihmën e nevojshme mjekësore. Mësohet se ai ka marrë një plumb në këmbë.
Aktualisht grupi hetimor ka nisur hetimin. Janë sekuestruar pamjet filmike të kamerave të sigurisë , me anë të të cilave do të zbardhet ngjarja dhe mund të identifikohen autorët e ngjarjes./Bl.Ba/Fjala.al
