Të gjendur në një situatë ku përhapja e viruseve është një problem global, mjekët këshillojnë herë pas here që njerëzit të përdorin maskën higjenike të gojës, e cila mbron në një farë mënyre prekjen nga viruset.
Përdorimi i maskave për të parandaluar infeksionet është popullarizuar në shumë vende të botës, veçanërisht në Kinë, ku aktualisht ka shpërthyer virusi “koronavirus”, i cili po përhapet me shpejtësi dhe ka marrë shumë jetë njerëzish jo vetëm në Kinë por edhe në disa vende të SHBA-së dhe Europës.
Virologët janë skeptikë në lidhje me efektivitetin e tyre kundër viruseve që vijnë nga ajri, por ka disa prova që sugjerojnë se maskat mund të ndihmojnë në parandalimin e transmetimeve nga dora në gojë.
Doktor David Carrington, nga St George’s, Universiteti i Londrës, është shprehur për “BBC” se maska kirurgjikale rutinore për publikun nuk janë një mbrojtje efektive kundër viruseve ose baktereve të bartura në ajër sepse ato janë tepër të lirshme dhe nuk kanë filtër ajri. Gjithashtu sytë mbeten të ekspozuar nga viruset.
“Maskat kirurgjikale mund të ndihmojnë në uljen e rrezikut të kontraktimit të një virusi përmes spërkatjes nga teshtima ose kolla dhe të sigurojë një mbrojtje kundër transmetimeve nga dora në gojë”, tha ai.
“Në një studim të kontrolluar mirë në një ambient spitalor, maska e fytyrës ishte efektive për të parandaluar infeksionin e gripit. Sidoqoftë, kur kaloni në studime duke parë efektivitetin e tyre në popullatën e përgjithshme, të dhënat janë më pak imponuese, është mjaft sfidë të mbash një maskë për periudha të zgjatura kohe,” tha studiuesi Jonathan Ball, profesor i virologjisë molekulare në Universitetin e Nottingham.
Dr Connor Bamford, nga Instituti i Wellcome-Wolfson për Mjekësi Eksperimentale, në Universitetin e Queen’s Belfast, tha se “zbatimi i masave të thjeshta të higjienës” ishte jashtëzakonisht më efektive.
“Mbulimi i gojës tuaj gjatë teshtitjes, larja e duarve dhe mos vendosja e duarve në gojën tuaj para se t’i lani ato, mund të ndihmojë në kufizimin e rrezikut për të kapur ndonjë virus të frymëmarrjes,” tha Doktor Connor Bamford, nga Instituti i Wellcome-Wolfson për Mjekësi Eksperimentale, në Universitetin e Queen’s Belfast.
Sipas tij, mënyrat më të mira për të shmangur kapjen e viruseve siç është gripi janë:
-Larja e duarve rregullisht me ujë të ngrohtë dhe sapun.
-Shmangni prekjen e syve dhe hundës kur është e mundur.
-Mirëmbani një stil jetese të përshtatshëm dhe të shëndetshëm./fjala.al/
