Me 100 vota pro, Evgjeni Bashari është zgjedhur kryetarja e re e Inspektoriatit të Lartë të Deklarimit të Pasurive dhe Konfliktit të Interesave. Bashari kishte përballë në këtë garë Helena Papën.
Ajo ka mbajtur më parë detyrën e Sekretares së Përgjithshme të ILDKPI-së, ndërsa do të zëvendësojë në këtë detyrë Shkëlqim Ganajn.
Bashari do të jetë në krye të institucionit që do të skanojë dhe do të hetojë pasuritë e politikanëve dhe zyrtarëve të lartë për 7 vitet e ardhshme.
Ndërkohë, seanca e sotme ishte e fundit për këtë vit, Kuvendi do të mblidhet me 18 janar 2021./Bl.Ba/Fjala.al
