Të gjithë e dinë se lindja e një fëmije modifikon jetën e një çifti dhe kjo është e paevitueshme. Për shumë muaj pas lindjes, i vogli, me nevojat dhe progresin e tij, tërheq gjithë vëmendjen dhe të mbush gjithë kohën, kënaqësitë dhe entuziazmin.
Pas lindjes së fëmijës, duket se 90% e zënkave të çiftit lidhen me atë! Po e shtrëngon shumë, mos e tund se është në gjumë, mos e ngri në krahë sepse sapo ka ngrënë, ndërroje ti, etj etj…
Mund të vendoseni në situata aspak të këndshme, që jo vetëm do t’ju irritojnë, por me kohën mund të ftohin dhe marrëdhënien në çift! Më poshtë po paraqesim disa nga arsyet kryesore pse grinden çiftet pas lindjes së fëmijës dhe si t’i kaloni ato!
Gjumi- Nëna mund të çohet mbi 5 herë natën për t’i dhënë gji fëmijës dhe gjatë ditës ajo mund të jetë e acaruar dhe mund të reagojë keq! Në këto, situata burri është ai që duhet të tregohet mirëkuptues sepse në fund të fundit ai dhe pse mund të shqetësohet njësoj si nëna nga të qarat, nuk është ai që rri zgjuar.
Kujdesi për foshnjën- Bashkëshorti duhet ta kuptojë se kur vjen në jetë një fëmijë, ai nuk ndihmon gruan e tij, por thjesht bën detyrën e tij si prind! Ky është një koncept i gabuar që kanë shumë meshkuj! Nëse ata do të kalojnë disa orë me bebin, apo do e lajnë e shohin si ndihmë ndaj gruas dhe jo sikur po bëjnë detyrën e tyre! Kur vjen puna tek punët e shtëpisë, bashkëshorti duhet të jetë i gatshëm të bëjë çdo gjë që të mundet./Bl.Ba/Fjala.al
