Komisioni Qëndror i Zgjedhjeve ka gjobitur me 1.500 lekë të reja drejtorin e Kadastrës së Lushnjës, Arben Qalliu, pasi i ka dhënë leje legalizimi deputetit të PS Bujar Çela, të cilat ky i fundit i ka shpërndarë në fushatë.
Ky rast është denoncuar në KQZ dhe pas disa mbledhjeve që janë mbajtur, si dhe pas dëgjesave me kreun e Agjencisë së Kadastrës, është vendosur që ky i fundit të dënohet me 1.500 lekë gjobë.
“Vendosa të dënoj me gjobë zotin Arben Qalliu, me detyrë drejtor i drejtorisë vendore Lushnje, në Agjencisë Shtetërore të Kadastrës, në shumë 1.500 lekë (të reja), për shjkelje të nenit 92 të Kodit Zgjedhor. Kundër këtij vendimi mund të bëhet ankim në Komisionin e Ankimeve brenda 3 ditëve nga hyrja në fuqi e tij. Ky vendim hyn në fuqi menjëherë dhe publikohet në faqen e KQZ”, u shpreh kryekomisioneri Ilirjan Celibashi.
