Më 27 janar 2020, Visar Zogiani, kryetar i Shoqatës për Mbrojtjen e të Drejtave të Futbollistëve të Kosovës, dhe Behar Maliqi, anëtar i Bordit të saj, vizituan Arben Beqirin, portierin e Trepçës 89’, Arben Beqirin, i cili pak kohë më parë u diagnostifikuar me kancer në stomak.
Në një komunikim me mediet vendase ata kanë bërë me dije se i kanë dorëzuar 12.007.25 euro lojtarit.
“Përveç dëshirës që kishim për ta takuar, ne me këtë vizitë e informuam Arbenin për mjetet e grumbulluara financiare dhe ia dorëzuam gjithsej 12,007.25 €.”-kanë thënë ata për Zëri.info.
Mjetet financiare iu transferuan kaluan në emër të Beqirit me anë të një transferte në llogarinë bankare.
Kjo shumë u mblodh nga futbollistë të klubeve të Superligës së Kosovës, Federatë së Futbollit të Kosovës, kryetarit të FFK-së Agim Ademit, Bakir Burrit dhe nga shumë njerëz të tjerë që kontribuuan për të ndihmuar futbollistin.
Shoqata për Mbrojtjen e të Drejtave të Futbollistëve të Kosovës ka bërë me dije se llogaria bankare e hapur në ndihmë të portierit është ende e hapur në mënyrë që kushdo që dëshiron të ndihmojë të ketë mundësi të depozitojë aq sa mundet.
“Me këtë rast dëshirojmë t’iu njoftojmë se përkrahja për Arbenin nuk duhet ndaluar, dhe iu informojmë se xhirollogaria, të cilën kemi vënë në dispozicion është ende e hapur dhe duam përzemërsisht ta përsërisim e vazhdojmë ftesën me kërkesën te të gjithë ata njerëz, që për shkaqe të ndryshme nuk kanë mundur apo nuk kanë arritur ta ndihmojnë Arbenin në këtë sfidë të rëndë shëndetësore, ta bëjnë këtë gjatë ditëve të ardhshme, pasi që çdo e hyrë financiare për të është e nevojshme dhe tejet lehtësuese.
Duke iu falënderuar edhe njëherë, ju dëshirojmë të gjithëve shëndet të mirë dhe mbetemi në kontakt!”,-ka shkruar Shoqata për mbrojtjen e futbollistëve./Fjala.al/
