Që prej kalimit të yllit të kombëtares së Portugalisë, Cristiano Ronaldos te Juventus të shumta kanë qenë fjalët se e njëjta gjë do ndodh dhe me lojtarin tjetër të Real Madrid, Marcelon.
E ardhmja e tij te madrilenët tashmë duket e dyshimtë dhe kjo gjë është bërë publike nga media spanjolle “fichajes.net”, e cila thekson se braziliani mund të kalojë së shpejti te Juventus.
Skuadra e trajnerit francez Zinedine Zidane është duke kaluar një periudhë jo të mirë dhe karriera e mbrojtësit duket se është në pikë kritike.
Sipas kësaj medieve thuhet se Ronaldo është futur si ndërmjetës për të bërë të mundur transferimin e Marcelos në Serinë A. Megjithatë deri më tani nuk ka asgjë konkrete në lidhje më këtë rast, por nëse arrihet kalimi i brazilianit në Itali, bardhezinjtë do ishin pretendentët kryesor për të marrë Ligën e Kampionëve./Fjala.al/
