Një djalë i ri shqiptar që ka ndërruar jetë në Spanjë, ka tronditur familjen kur trupi i tij është sjellë në atdhe. Pasi trupi i pajetë i të riut mbërriti në atdhe për t’u prerë në banesën e fundit, të afërmit vunë re një shenjë në kraharorin e tij, duke kërkuar më shumë informacion. Ata dërguan trupin në laboratorin e Institutit të Mjekësisë Ligjore dhe zbuluan se në kufomën e të riut mungonte organi i zemrës.
Në kartelën spitalore të shtetasit Saimir Sula, nuk ishte specifikuar në asnjë moment se 33-vjeçari nga Tirana kishte pasur probleme, apo se organi ishte hequr nga trupi për një arsye të caktuar.
Për pasojë, Prokuroria e Tiranës ka nisur hetimet për “Shit-blerjen e paligjshme të organeve njerëzore”. Hetimet kanë nisur që në 27 maj të vitit 2020, ndërsa në Spanjë deri më tani po hetohen 4 mjekë.
Paraprakisht dyshohet se gjatë mjekimit në Barcelonë, 33-vjeçarit i është marrë zemra në rrethana dhe arsye ende të paqarta, deri në zbardhjen e plotë të ngjarjes nga autoritetet përkatëse.
