Idajet Beqiri deklaron i bindur se Partia Socialiste do fitojë mandatin e tretë dhe se Edi Rama do jetë kryeministër edhe katër vitet e ardhshme.
–A mund të na bëni një parashikim për 25 Prillin?
-Nuk është problem për tifozllëk, jam i bindur 1000% që e ka të garantuar mandatin e tretë PS. Nuk ka alternativë tjetër ndaj do fitojë Rama. Ne nuk duhet të ecim me idenë e rrotacionit politik pasi 30 vjet demokraci kemi një farë pjekurie. Nuk duhet menduar më rrotacion. Rrotacioni nuk ka më vend në këtë vend. Tashmë duhet aftësi, alternativë, përkushtim. Ky vend nuk do bëhet me anë të rrotacionit politik ndryshe do ngelet në tranzicion të përjetshëm. Ky vend do kthehet thjesht dhe vetëm si kalaja e Rozafës. Prish natën, ndërto ditën. Tashmë duhet të futemi në një rrymë tjetër./Fjala.al/Ke.Ba
