“Plan për të parandaluar mungesën e burrërisë te adoleshentët meshkuj”.
Ministria e Arsimit e Pekinit është e shqetësuar për “mungesën e burrërisë” të treguar nga fëmijët kinezë dhe ka një recetë: rrit kurset e edukimit fizik, praktikon sportet e kontaktit, rekruton më shumë mësues që dinë të zhvillojnë fuqinë mashkullore të studentëve.
Reformat në shkollë janë duke shkaktuar debate të nxehta në të gjithë botën dhe Kina nuk përbën përjashtim.
Propozimi ministror mbi “arsimimin te burrëria”, botuar në internet, mblodhi një miliard e gjysmë shikime dhe 238 mijë komente në rrjetet sociale, të cilat përmbajnë një ortek kritikash kundër “stereotipit seksist”.
“Pse ministria nuk shqetësohet të përhapë vlera si ndershmëria, përgjegjësia dhe sinqeriteti?” ishte një nga komentet në rrjetet sociale.
Disa komente theksonin se kjo ndodh pasi Partia është e dominuar nga burrat dhe diskriminon gratë (thjesht shikoni Byronë Politike, e cila ka vetëm dy gra në mesin e 25 anëtarëve të saj).
“Ankthi për mungesën e meshkujve është diskriminues, është e qartë se krijuesit e propozimit ministror e konsiderojnë feminitetin si një karakteristikë negative; pse nuk shqetësohen se stërvitja i bën vajzat shumë burrërore?”, shkroi një profesor për një gazetë shtetërore.
