Vranësira të dendura dhe reshje shiu do të mbizotërojnë motin në vendin tonë ditën e sotme, ku në zonat veriore dhe qendrore, reshjet herë pas here do të jenë me intensitet mesatar dhe të lartë.
Sipas MeteoAlb, parashikohet që këto kushte atmosferike do të mbeten deri në orët e vona të pasdites, kur moti pritet të përmirësohet gradualisht në të gjithë territorin shqiptar.
Temperaturat e ajrit do të ulen sërish në mëngjes dhe mesditë, duke bërë që ekstremumet ditore të luhaten, nga 0°C deri në 14°C.
Era do të fryjë mesatare dhe e fortë, me shpejtësi 45-50 km/h nga drejtimi veri-perëndimor, duke krijuar në det një dallgëzim mbi 4 ballë.
Kosova
Masat ajrore të paqëndrueshme që kanë përfshirë gjithë Gadishullin e Ballkanit duke kushtëzuar dhe në territorin e Kosovës vranësira dhe reshje të dendura shiu. Pas mesditës do ketë reshje dëbore për shkak të rënies së temperaturave.
Rajoni dhe Europa
Masat ajrore të paqëndrueshme do të përfshijnë pjesën më të madhe të kontinentit Europian duke diktuar vranësira dhe reshje të dendura dëbore në Europën Veriore dhe Lindore. Po ashtu jugu i kontinentit europian do të përfshihet nga vranësira, rrebeshe shiu dhe stuhi ere. Ndërsa me kthjellime dhe vranësira do të paraqitet pjesërisht qendra.
