Nga të prekurit me coronavirus në Itali, 20 përqind e tyre janë infektuar me variantin e ri britanik.
Ky është rezultati i dalë nga një sondazh i kryer në nivel rajonal nga Ministria e Shëndetësisë dhe Instituti i Lartë i Shëndetësisë italian.
Sondazhi, i kryer në datat 3 dhe 4 shkurt, tregoi se varianti britanik qarkullon më së shumti në zonat përkatësisht midis Umbria, Marche, Abruzzo, Emilia dhe Toskana të cilat kanë një përqindje më të lartë se sa mesatarja, dhe që mund ti nënshtrohen masave më të forta kufizuese për të ndaluar qarkullimin e virusit.
Këto komuna tashmë janë përfshirë në zonat e kuqe dhe përcaktohet se numri i rasteve të reja vjen kryesisht nga mjediset shkollore, megjithëse nuk është shfaqur përmes simptomave tek fëmijët.
