Pas 20 vitesh në kërkim, karabinierët kanë prangosur shqiptarin Mihallaq Boraku 49 vjeç. Shqiptari ka qenë një nga personat që dërgonte drogë me gomone nga Shqipëria në Itali.
Sipas mediave italiane ai ishte konsideruar nga Policia e Cuneos si një nga 5 personat më të rrezikshëm të shpallur në kërkim. 49-vjeçari shqiptar u arrestua nga Policia e Cuneo në afërsi të Napolit.
Mihallaq Boraku është dënuar nga drejtësia italiane me 8 vjet e 4 muaj burg në kuadër të operacionit të antimafias së Torinos i koduar “Besa” dhe i ekzekutuar në maj të 1997 ku u sekuestruan rreth 200 kg marijuanë e transportuar me gomone nga Shqipëria në Itali. /Fjala.al
