Presidenti i SHBA, Joe Biden ia ka shkruar një letër uruese homologes në detyrë të Kosovës, Vjosa Osmani me rastin e 13-vjetorit të shpalljes së Pavarësisë.
Biden menjëherë shpreh dëshirën për të punuar me qeverinë e re të Kosovës dalë nga zgjedhjet e 14 shkurtit.
Ai thotë se ka shumë punë për të bërë në Kosovë, një prej të cilave është dialogu me Serbinë me synim njohjen e ndërsjelltë.
Për Biden, Kosova ka ende një vend special në familjen e tij. Vjosa Osmani do të jetë pjesë e qeverisë së re ose Presidente, pasi lista e saj me Albin Kurtin fituan bindshëm mbi 47% të votave në zgjedhje.
Letra e plotë e presidentit të SHBA-së, Biden
Populli amerikan i bashkohet urimeve të mija për ju dhe miqtë tanë në Kosovë në 13- vjetorin e pavarësisë së vendit tuaj.
Lidhjet ndërmjet popujve tanë mbeten të forta, bazuar në një përkushtim të përbashkët për zhvillimin e vazhdueshëm të Kosovës si dhe forcën tuaj të qëndrueshme si një vend sovran, i pavarur, multietnik dhe demokratik.
Ne mezi presim që të punojmë me Qeverinë e ardhshme për ta çuar Kosovën përpara në rrugën e saj evropiane. Ka shumë punë për të bërë, përfshirë marrëveshjen gjithëpërfshirëse të normalizimit të marrëdhënieve me Serbinë që në qendër e ka njohjen e ndërsjellë, me të cilën forcohet sundimi i ligjit, përballimi i pandemisë globale COVID-19 dhe nxitja e rritjes ekonomike që mundëson një të ardhme të prosperuar për të gjithë qytetarët e Kosovës,
Shtetet e Bashkuara të Amerikës mbeten partner dhe mik i përkushtuar i Kosovës në këto përpjekje. Ndërkaq për mua personalisht, Kosova vazhdon të mbajë një vend të veçantë për familjen Biden, në shenjë respekti të kohës gjatë së cilës djali ynë i ndjerë Beau Biden punoi për ta siguruar paqen, drejtësinë dhe shtetin e së drejtës për të gjithë qytetarët e Kosovës!
Sinqerisht,
Joseph R. Biden”
