Historiani serb Milan Protiq deklaron se Presidenti i Serbisë, Aleksandar Vuçiç, nuk do ta njohë kurrë Kosovën. Ata që mendojnë se kjo do të ndodhë tha ai, janë të gabuar.
Protiq foli dhe për zgjedhjen e Patriarkut të ri të Kishës Ortodokse Serbe.
“Unë kam përshtypjen se pozicioni i tij nuk është i ndryshëm nga pozicioni i Kishës Ortodokse Serbe. Pasi nuk mendoj se kjo qeveri do të bëjë ndonjë lëvizje të vendosur mbi atë çështje”, shtoi ai.
Duke komentuar dialogun Kosovë-Serbi, historiani Protiq tha mbrëmjen e djeshme se nuk mendon se njohja e Pavarësisë do të ndodhë.
“Mendoj se është një supozim i gabuar, nuk mendoj se do të ndodhë. Dhe se kjo qeveri nuk ka ndërmend ta bëjë atë”, shtoi historiani serb Milan Protiq.
