Një 22-vjeçare ka sjellë në jetë foshnjën e saj te spitali “Shefqet Ndroqi”, ndërsa ndodhet në gjendje të rëndë për shkak të infektimit me koronavirus.
Sipas informacioneve për ABC News, foshnja është sjellë në jetë me anë të një ndërhyrje cezariane, në bashkëpunim me spitalin “Koço Gliozheni”.
E reja nga Korça ishte në muajin e fundit të shtatzënisë dhe në gjendje të rënduar.
Ditën e djeshme humbi jetën një 28-vjeçare nga Elbasani për shkak të Covid-19 dhe mjekët u detyruan që t’ia nxirrnin fëmijën me një ndërhyrje çezariane.
Foshnja ndodhet në gjendje të mirë shëndetësore, por fatkeqësisht pa nënën e tij.
