Një imazh i botuar nga The Graudian kap realitetin e shpërthimit të coronavirusit në qytetin kinez, Wuhan. Në foto duket një burrë me flokë gri, i veshur me një maskë fytyre, i cili qëndron i vdekur në trotuar. Afër tij ka një qese plastike me ushqime ndërkohë që policia dhe stafi mjekësor të veshur me kostume mbrojtëse mundohen që të largojnë trupin nga rruga.
Wuhan, qyteti me 11 milionë banorë është mësuar që të ketë rrugët plot me kalimtarë por ky virus e ka kthyer atë në një qytet fantazmë.
Raportohet se burri ishte i moshës 60 vjeçare ndërsa stafi mjekësor mbështolli trupin e tij me batanije blu dhe u largua. Nga ana tjetër policia grumbulloi pranë vendngjarjes kuti kartoni për të fshehur skenën.
Një grua kalimtare pranë burrit u shpreh se ai kishte vdekur.
“kjo është shumë e tmerrshme. Këto ditë kanë vdekur shumë njerëz.”, -tha ajo.
Stafi menjëherë filloi të pastrojë tokën duke dezinfektuar rrugën ku kishte rënë trupi./Fjala.al
