Një grua e cila ka akuzuar presidentin Donald Trump për përdhunim kohë më parë, ka kërkuar një mostër të AND-së së tij për ta krahasuar me materialin gjenetik që u gjend në veshjen që mbante natën e takimit të pretenduar nga ajo.
Jean Carroll, e cila është një gazetare dhe një analiste, ka pohuar në një proces gjyqësor në Nëntor se Trump e sulmoi seksualisht atë në një dyqan luksoz në Manhattan, në vitet 1990. Trump në mënyrë të përsëritur ka mohuar akuzën, duke thënë qershorin e kaluar se ai nuk e kishte takuar kurrë këtë person në jetën e tij.
Avokatët e analistes amerikane kanë kërkuar këtë të enjte që AND-ja e presidentit të merret në 2 mars.
Rezultatet e analizave të mostrave të marra nga veshja e analistes tregojnë për praninë e një AND-je , ku sipas përshkrimit të analistëve të gjenetikës kishin prejardhjen nga të paktën një mashkull. Prania e spermës nuk u zbulua në asnjë prej njollave në këtë veshje./Fjala.al
