Valeria Carannante, 23-vjeçarja italiane është prova e fuqisë së dashurisë së nënës dhe vullnetit madhështor.
Historia e saj është frymëzuese! Valeria nëna e re e një djali vetëm 1 vjeç e gjysmë, prezantoi diplomën e saj të universitetit nga spitali, duke marrë pikë maksimale, teksa po kujdesej për vogëlushin e saj i cili vuan nga hipertensioni arterial.
Valeria arriti të diplomohej shkëlqyeshëm për “Shkenca Edukimi”.
Ajo ka pasur “krah” edhe ekipin mjekësor të cilët i ka falënderuar përmes një postimi në rrjetin e saj social Facebook, për përkujdesen maksimal të treguar ndaj të birit.
“Falënderoj të gjithë ekipin e departamentit të nefrologjisë Santobono, për të gjithë kujdesin që po i japin të voglit tim. I falenderoj që më kanë treguar për gjendjen e tij shëndetësore si dhe për mbështetjen që i kanë dhënë në ditët më të vështira. Falënderoj profesor Pecoraro, një mjek, dhe një njeri të jashtëzakonshëm, për atë që bëri për djalin tim.”, shkruan ajo në postim.
Lidhur me këtë histori, ka reaguar edhe kryetari i Bashkisë së Bacoli, Josi Della Ragione i cili u shpreh se e ka lexuar me shumë emocion historinë e Valerias.
Sipas tij kjo është prova e pasionit, dashurisë, këmbënguljes dhe meriton duartrokitje.
Gjendja shëndetësore e vogëlushit është tashme e qëndrueshme.
