Një biznesmen shqiptar në Shtetet e Bashkuara të Amerikës, Gazmend Gjonbalaj, i cili është edhe menaxher i shumë kompanive të njohura.
Gjonbalaj doli hapur në mbështetje të Albin Kurtit, që nëse kreu i Vetëvendosjes do të zgjidhej kryeministër, ai do të investonte 50 milionë euro për ekonominë e Kosovës.
Kur Albin Kurti fitoi zgjedhjet, shqiptari Gjonbalaj, i cilësoi zhvillimet në Kosovë si një kapitull të ri për vendin. “Kosovë, urime zgjedhjen e qeverisë së re! Jam i entuziazmuar me kapitullin e ri të Kosovës, si dhe për mua personalisht”, shkruan Gjonbalaj në Facebook.
Ndërsa në videon e publikuar po në Facebook, Gjonbalaj deklaroi se nuk është i vetmi shqiptar në Amerikë që do të investonte një shumë të madhe parash në Kosovë.
Sipas tij, ka edhe shumë të tjerë që do ta bënin këtë veprim por deri më tani Gjonbalaj nuk ka bërë asgjë të ditur nëse do të investojë 50 milionë euro në ekonominë e Kosovës. /Fjala.al/
